Back Oriëntale Ortodoksie Afrikaans الكنائس الأرثوذكسية المشرقية Arabic الارثوذكسيه المشرقيه ARZ Ilesies ortodoxes orientales AST Antixalkidon kilsələri Azerbaijani Старажытныя ўсходнія цэрквы Byelorussian Нехалкедонски църкви Bulgarian Esglésies ortodoxes orientals Catalan Starobylé východní církve Czech Eglwysi'r tri cyngor Welsh
D Bezäichnig altorientalischi Chillene, wo im Dütsche verbräitet isch, isch nit vom Begriff Alte Orient abgläitet, sondern en Übersetzig vo änglisch Ancient Oriental Churches, und bezäichnet also äigentlig alti Ostchille (vgl. schbanisch antiguas iglesias orientales). In jüngerer Zit wird dr Begriff Orientalisch-Orthodoxi Chille bevorzugt.
Als „altorientalischi Chille“ wärde im Wääsentlige die Ostchille bezäichnet, wo sich noch em Konzil vo Efesos (431) oder noch em Konzil vo Chalcedon (451) vo dr Römische Riichschille drennt häi. Bi de „Altorientale“ het s sich äntwääder um Landeschille usserhalb vo de Gränze vom Oströmische Riich („Nazionalchillene“) ghandlet, oder um regionali Beweegige im byzantinisch beherrschte Egüpte und Sürie, wo gegen e konstantinopolitanisch Zentralismus grichdet gsi si und dört Grieche, Kopte oder Syrer veräint häi („Opposizionschillene“). D Drennig het näbe dogmatische au politischi Gründ gha.